NA'IN-FETO RAMELAU

 

AINARO

Distrito Ainaro primeiro ho naran “RAE SUR” mai hosi bosok ida naran “Inan Sarene” signifika katak hasai etu kanuru ida nan pedasuk ida sura to rai ulun rai ikun,tasi feto no tasi mane,hafoin mosu fali avo nain hitu iha foho ida naran “SURO-LAU”. Iha sira nia tempu rai ne’e nia naran “SURO” to fali iha portugues tama iha Timor, distrito ne’e sai hanesan distrito ikus ba portuges sira tama hodi harii posto administrasaun, liu hosi atu harii posto ida-ne’e maka iha tinan 1886/1887 tropas portuges nian mai hosi Hatulia no hamutuk ho Rei Nai KAU sira buka fatin tetuk atu harii posto ne’ebé refere hafoin to iha foho ida naran Mamlau sira hateke hetan rai tetuk ida, iha rai tetuk ne’e so iha de’it Au lulik ida ho lian mambae katak “AI-NARO” I malae sira hatete katak ba tau postu ne’e iha ai naruk ida ne’eba nia hun no iha tinan 1888 malae portuges sira haruka ema harii kedas postu ida iha ai hun ne’e, ho ida ne’e maka distritu ne’e nia naran ORLULI  AINARO, ema costume bolu “AINARO”.

Lian lokal distrito Ainaro nian mak lian Mambae, lian Bunak no lian Kemak.

   Distritu Ainaro iha ninia karakter klima ne’ebé oi-oin inklui mos kondisaun klima no rai ne’e maka diferente tebes, tamba distritu refere ne’e haleu ho foho barak mak hanesan: foho Suro-Lau, foho Mamlau, foho Cablake iha parte norte nian no foho Ramelau. Ita bele haree katak klima ne’ebé mak eziste iha distritu Ainaro mak hanesan tuirmai ne’e: iha fulan Novembro to fulan juñu akontese udan boot iha parte norte no sentro, ho ninia nível udan ne’ebe mak sai menos iha parte sul.

HISTORIA NA'IN-FETO RAMELAU

  Durante ocupasaun Indonésia iha Timor-Timur, Salesiano sira iha Colégio Don Bosco Fatumaca (Padre Locatelli,SDB, Irmaun Carlos Gamba,SDB no sira seluk) iha hanoin atu monta Estátua NA’I FETO NIAN IHA FOHO RAMELAU ( FOHO A’AS LIU IHA TIMOR). Nudar sinal de consagrasaun Rai Timor ba ita Na'i Feto. Ita Na'i Feto mak liurai Feto Timor Nian.

  Nune’e, depois de plano iha Fatumaca, sira apresenta plano ida nee ba Don Carlos (Bispo da Diocese de Dili altura neba). Plano ida ne’e hetan reassaun positiva no aceitassaun direitamente husi Don Carlos.

  Etapa tuir mai, Don Carlos halao encontro ho cúria no clero a nível diocese hafoin hetan mos aceitassaun husi clero diocesana tomak altura neba.

  Depois de hetan confiansa, Padre Locatelli Lori Estátua Ita Na’i Feto nian husi Rai Itália. Hafoin Estátua ne’e entrega hela ba Paróquia Maubisse.

  Depois de ida ne’e, Sarani sira iha Paróquia Maubisse ho sira nia Amu Pároco (Don Norberto Amaral altura neba) serviço maka’as hodi construi fatin nebe FURAK hodi hatur Ita Na’i Feto Nia Estátua.

  Ho sacrifício oin-oin, Sarani sira iha Maubisse no Hatubuiloco consegue hari’i duni Monumento nebe furak hodi sai fatin peregrinasaun ba ita hotu.

  Nune’e, wainhira construsaun pronto hotu, Ita Na’i Feto Hatur iha Fatin Sagrado neba. Depois ida ne’e sira halo plano ba Inaugurasaun nian. Ikus mai, Don Carlos Filipe Ximenes Belo inaugura iha loron 7 de Outubro de 1997 nudar Fatin Peregrinasaun Religiosa ba sarani iha Mundo Tomak; liu-liu iha ita rain Timor.

   Nune’e, sira hatur ita Nai Feto iha Foho nebe aas liu iha Timor hodi nune’e Na’i Feto bele tau matan hela ita. Proteje ita. Guia ita. Lori ita nafatin tuir Maromak nia hakarak. Nudar Inan ida ba Timor oan sira hodi cuida ita nafatin ita hanesan Nia halo ba Jesus.

   Ohin loron, Ramelau sai fatin Laos deit ona PEREGRINASAUN RELIGIOSA Maibe sai mos fatin turista hodi dada ema wain ba visita fatin Santa Ramelau. Ramelau nudar sítio turístico iha Timor ocidental halo Timor nia naran Morin no iha sentido religioso nebe a'as tebes. Timor tenke orgulho ba ida ne'e.

   Ita encoraja nafatin ema hotu atu usa fatin santa Ramelau hodi sai fatin Raligiosa iha nebe ema ba visita hodi halo sacrifício ruma ba klamar sira Nia diak.

   Hodi hanoin ita nia maluk sira nia sacrifício nebe sira oferece hodi harii fatin FURAK iha Ramelau tutun; Mai ita tane a’as sira nia sacrifício hodi respeita nafatin fatin Lulik nee nudar fatin Sagrado no fatin atu hetan graça especial nebe ita hotu precisa.

   Sagrada escritura hanorin katak FOHO NUDAR FATIN HAROHAN, FATIN ATU HASORU MAROMAK, HASA’E-AN BA MAROMAK. Lugar de exaltação. Nune’e, mai ita consciente ba Sagrada Escritura nia hanorin ne’e hodi haSanto ita-an wainhira ita halo visita ba Ita Inan Santa iha Foho Ramelau.

   Peregrinasaun normalmente halo ba fatin sagrado sira hodi hetan (claim) graça hirak nebe ita precisa tebes.

   Tan ne’e, mai ita utiliza fatin Santa Ramelau nudar fatin Atu hetan Graça hirak nebe ita precisa.

   MAROMAK HARAIK BENSAUN WAIN BA EMA HIRAK NEBE HALAO PEREGRINASAUN BA RAMELAU HODI HARAIK BA SIRA GRAÇA HOTU NEBE SIRA PRECISA.

Tinan-tinan iha loron 7 fulan outubro sarani sira sempre halo peregrinasaun.

 LOKALIZASAUN GEOGRAFIA NA'IN-FETO RAMELAU

Foho Ramelau lokaliza iha distritu Ainaro, postu-administrativu Hatubuiliko ho nia naruk 2963metro no sai mos hanesan foho ne’ebé aas iha nasaun Timor-Leste, no ita hatene katak foho aas ida ne’e eziste iha parte norte, no sentu distritu ne’ebé refere klarifika katak temperatura malirin sempre akontese tinan-tinan, no ninia temperatu ra iha fulan-fulan ninia totalidade mak hanesan: hosi temperatura 18,1°C maibé to’o fulan jullo máximu 22,8°C to fulan dezembru.

Vantagem no Desvantagen ba komunidade lokal no vizitante sira

 Tuir pontos ne’ebe maka ami klarifika nia vantagen mak hanesan, comunidade ne’ebe maka hela iha area rurais bele hetan rendimentu ne’ebe diak liu hosi produtus ne’ebe maka sira iha hanesan ita hatene katak sub distritu Hato-Builico moris ho produtus barak maka hanesan aifuan inclui mos hortalisas no criatevidade (Arte Zenatos),aumenta mos ho hena tradisionais hanesan (Tais, Selenda nsst) ida ne’e mak sai hanesan faktor ida hodi suporta comunidade sira nia moris, atravez hosi viazen ne’ebe maka vizitantes sira halao ba iha fatin ne’ebe refere, tanto turista lokal ou turista internasional, liu hosi fator ida ne’e maka sira bele fo sira nia oan atu bele hetan asesu ba educasaun.

Ho construsaun ne’ebe maka realiza hosi ita ninia prezidente,no copera ho ita ninia governo,igreja nomos entidade civil,hodi hari skada hosi Aiguarema sae to leten,ida ne’e hanesan meiuos ida ne’ebe positivo ba sosiadade ne’ebe mak hela iha fatin ne’e inclui mos visitantes sira, atu bele hetan asesu hodi halao peregrinasaun hosi aiguarema sae to’oba iha missa fatin.

Maibe ninia dezvantagen maka iha fatin ida ne’e ami clarifika katak, ida ne’e lulik no sagrada tebes, ho ida ne’e maka wainhira vizitantes sira halao viazen ba iha fatin ne’ebe refere tenki kuidadu ho palavras ou liafuan ne’ebe maka atu koalia, tamba wainhira koalia liafuan sala ou lalos bele afeta ba ema nia vida,tuir realidade ne’ebe acontese wainhira tinan-tinan realiza peregrinasaun sempre existe mate.

Hare ba parte dalan mos sai hanesan risku bot ne’ebe fo ameasa ba ema nia vida, tamba dalan iha sub distritu ne’ebe refere ho kondisaun ne’ebe ladun diak no eziste mos rai mesak naruk, liu hosi realidade ne’ebe maka akontese iha festival ne’ebe realiza iha tinan kotuk liu ba ne’e, acontese acidente (kareta monu)ne’ebe maka rezulta ema mate.

Iha parte seluk mos ita hare hosi condisaun climatika ne’ebe maka bele afeta ou fo impaktu ba turistika sira hodi ba vizita fatin ne’ebe refere,hanean akontese anin bo’ot, udan bo’ot i liu hosi condisaun climatika ne’e mos bele akontese rai monu nsst.

MÚZIKA KONA-BA NAIN-FETO RAMELAU

Timoroan barak mak kria múzika kona-ba Nain-Feto Ramelau hanesan:

•  Lulik ba dame: Inan Ramelau

• Alcatraz : Na'in-Feto Ramelau

• Alcatraz : Maria